İlk hicablı “Barbie” satılacaq – VİDEO

Dünyaca məşhur “Barbie” kuklalarının istehsalçısı olan “Mattel” (ABŞ) korporasiyası tarixində ilk hicablı kuklanı təqdim edib.

Feed.az ABC-yə istinadən bildirir ki, bu kukla amerikalı qılıncoynadan, 31 yaşlı İbtihac Muhammadın tərəfinə buraxılıb. 2016-cı ildə ABŞ-ın qılıncoynatma yığmasının heyətində Olimpiya Oyunlarına qatılmış İtihac olimpiadalarda çıxış edən ilk hicablı amerikalı idmançı olmuşdu.

Hicablı “Barbi”nin əynində qılıncoynadan kostyumu, əllərində isə qılınc və dəbilqə var.

İbtihac Muhammad kuklanı Nyu-Yorkda keçirilən “Glamour’s Women of the Year Live Summit” mərasimində təqdim edib.

“Shero” seriysına daxil olan kukla 2018-ci ildə satışa çıxarılacaq.

“Bütün dünyadakı qızları və qadınları bəlirlənmiş çərçivələrdən kənara çıxmağa ruhlandıran İbtihac Muhammadın şərəfinə hazırlarıdığımız kuklanı qürurla təqdim edirik”, – “Mattel”in açıqlamasında deyilir.

İ.Muhammad dünya çempionatlarında və Panamerika Oyunlarında qızıl medallar qazanıb. 2016-cı ildə Braziliyanın Rio de Janeyro şəhərində keçirilmiş Yay Olimpiya Oyunlarında isə o, bürünc medala yiyələnmişdi.

Mərkəzi ofisi ABŞ-ın Kaliforniya ştatındakı El Sequndo şəhərində yerləşən “Mattel” 1959-ci ildən bəri “Barbie”ni istehsal edir.